कहिलेकाहीँ लाईफ टर्न गर्ने असाधारण घटनाहरू अचानक घट्छन्। हामी फिल्डवर्कको लागि पूर्व-पश्चिम राजमार्गमा आफ्नै गाडीमा यात्रा गरिरहेका थियौँ। एक्कासि चालकले गाडीमाथिको नियन्त्रण गुमाए। गाडी सडकबाट चिप्लिएर १५० मिटर परको नालामा खस्यो। नालामा नअड्केको भए भीरबाट खस्न सक्थ्यो। त्यो एक क्षणमा सबै कुरा शून्य जस्तै भयो। हाम्रो टोलीका एक सदस्य गम्भीर रूपमा घाइते भए तर भाग्यवश हामी सबैको ज्यान बच्यो।
त्यो घटनाले जीवन कति नाजुक छ भन्ने गहिरो अनुभूति गरायो। सामान्य देखिने एउटा यात्रा र ठूलो दुर्घटना बीचको दूरी कहिलेकाहीँ केवल एक क्षणको मात्र हुँदो रहेछ। त्यस दिनले हामीलाई सुरक्षा र जीवनको मूल्य अझ बढी बुझायो किनकि एकै क्षणमा सबै कुरा बदलिन सक्छ।