ललितपुरको पुल्चोक स्थित अचार घर विभिन्न प्रकारका अचारहरू पाइनू का कारण मेरो मनपर्ने थकाली रेस्टुरेन्ट मध्ये एक हो। त्यसैले दशैं बिदा सुरु हुनुअघि सपरिवार त्यहीँ डिनर गराउन लगेँ। सबै कुरा सामान्य थियो। हामीले सधैं झैं थकाली सेट अर्डर गर्यौं। तर खाना टेबलमा आएपछि वेटरले दशैं बिदाका कारण धेरै अचारका प्रकारहरू उपलब्ध नभएको बताए।
खाना अगाडि आएपछि यस्तो कुरा सुन्नु भन्दा निराशाजनक अरू के हुन सक्छ? मलाई निकै रिस उठ्यो। कम्तीमा अर्डर लिनु अघि नै यो जानकारी दिएको भए हामी अरु चीज नै अर्डर गर्थ्यौं होला तर त्यसो गरेनन्। अन्तमा पूरा मूल्य भने लिए तर हामी त्यहीँ रेस्टुरेन्ट जानुको मुख्य कारण भएका परिकार नै दिएनन्।
दशैं जस्तो लामो बिदा अघि वा पछि कर्मचारी कम हुँदा सेवा सीमित हुनु स्वाभाविक हो। त्यस्तो अवस्था मेनुमा स्पष्ट उल्लेख हुनुपर्थ्यो वा अर्डर गर्नुअघि ग्राहकलाई जानकारी दिनुपर्थ्यो।
हामी रेस्टुरेन्टमा परिवार र साथीभाइसँग राम्रो समय बिताउन जान्छौं। यस्ता अनुभवले त्यो रमाइलो नै बिगारिदिन्छ।
कम्तीमा म भने अब फेरि त्यो रेस्टुरेन्टमा फर्किने छैन।